關寶慧開心又淆底

藝人關寶慧前晚為無綫節目《流行經典50年》擔任嘉賓，她透露憑舞台劇《她媽的葬禮》入圍《第二十八屆香港舞台劇獎》「最佳女主角（喜劇／鬧劇）」，首次獲提名的她興奮又緊張，但面對兩位入圍師妹竟冇信心攞獎：「佢哋經驗豐富又攞過獎，所以我好淆底，依家仲搵緊旺我嘅綠色戰衣。如果真係攞獎，一定當結婚、生仔咁擺酒，既然結唔到婚惟有咁做。」
關寶慧正物色戰衣出席頒獎禮。
關寶慧正物色戰衣出席頒獎禮。

同場的莊思明騷長腿搶鏡，提到日前與男友楊明慶祝拍拖3周年，她笑言：「咁就3年喇！（佢仲未求婚？）我哋有共識，應該3年內結婚。」又指男友未買求婚戒指，並投訴對方亂使錢：「佢咩都買，有一段時間買咗好多卷唔同款嘅封箱膠紙，我諗唔明點解要買咁多。（佢有另類癖好？）咁佢又未綑綁過我，依家我好似隻烏蠅係咁日日『哦』佢買少啲。」

莊思明怨男友未買求婚戒指。
  • 莊思明怨男友未買求婚戒指。