謝文欣唱多3年唔掂即撇！
星夢歌手兼菊梓喬師妹謝文欣（Ally）於《2018年度勁歌金曲頒獎典禮》奪最受歡迎新人獎時，在台上失控爆喊，講感受時講到「鬼食泥」，被網民讚夠真性情。她坦言如此激動，只因足足等了5年，至去年才擁有第一首派台歌《其實我牽掛》，她坦言曾一度沮喪：「我當時成日諗點解人有我冇呢！但可能個天安排，我21歲入行好驚青，但依家有信心好好把握機會。」
少出街 唔想使錢
Ally自爆入行5年期間收入不穩，全靠慳得一蚊得一蚊，要做兩份工幫補收入：「我好少出街，因為唔想使錢，平時出活動嘅衫都係Sponsor。同埋我有做part time化妝師，冇job嗰時就開班教人化妝，而且同屋企人住，開支都細啲。」27歲的她又透露曾訂下「死線」，若30歲時依然沒做出成績，便考慮退出娛圈：「3字頭對一個女仔嚟講係好大嘅轉捩點，如果到時成績仍然係咁，要認真諗吓究竟向前行，抑或選擇第二個方向。」
眾所周知，近年無綫劇的主題曲多由菊梓喬及吳若希主唱，不少觀眾嗌悶，Ally乘機向公司自薦：「我都好想唱主題曲！好想做到一啲嘢先收手，趁呢個年齡有夢想就去追。其實我最想有一首好多人識嘅歌，都有同公司講想唱主題曲，希望遲啲有機會啦。」
場地：明記潮館