狄龍嘆溫情片難搵投資
藝人狄龍主演電影《我來自紐約2當我們在一起》拍竣約兩年，昨午於銅鑼灣舉行一場慈善義演，有份參演的兒子譚俊彥因身在越南未能出席。談到該片未能在港上映，狄龍說：「心情有起伏，套戲喺馬來西亞拍，喺嗰邊票房成績好，其他嘢好似香港發行咁，唔係演員管到嘅事，呢類溫情片比較難搵人投資。」
談到由小朋友主演的劇集《小戲骨 包青天怒斬陳世美》近日推出成熱話，身為「Icon包公」的狄龍說：「知道但冇睇，好似過早畀小朋友融入大人嘅世界咁，呢個世界冇絕對嘅黑白，清俗並包、善惡兼容啦！（想唔想孫仔拍嘢？）我七十幾歲，淨係想同太太享受人生，佢哋（孫仔）健健康康、開開心心就得喇！」