賺學費錯過表白 袁富華想搵番初戀
被對手潘燦良睇好的袁富華（Ben），憑電影《翠絲》內「Darling哥」一角成為「最佳男配角」大熱，扮演過氣老倌的他重遇故人一幕，他坦言參考了已故前輩江毅的軼事：「好記得拍《竊聽風雲2》，我同江毅叔同場，嗰日佢知道古天樂會嚟，未見面已經好激動話要敍舊，佢嘅喜悅同開心完全發自內心。我將呢一幕記喺腦入面，後來發覺呢種精緒好啱嗰場戲，所以就用咗嚟代入。」
「Darling哥」算是性別錯配的悲劇，由反串粵劇花旦到淪落為樓面，Ben深明當年社會背景令部分人對「真我」羞於啟齒：「好以我父母唔識字，佢哋覺得讀書就係唯一出路，中四、五我要自己搵學費，暑假去印刷廠幫手，近排我去電台做訪問，都公開呼籲想搵番『初戀女友』，佢係我學生時期兼職賣衫識嘅，係暗戀而冇表白過。」