梁諾妍揚威日本長跑賽

「長腿女模」梁諾妍（Inez）昨日在日本靜岡參加22.8公里長跑比賽，在兩小時內完成，成績理想：「今次喺靜岡第一次跑，但似山賽多啲，頭10公里一直要上斜，真係跑得好辛苦，但自己好滿意成績，全部有二千幾人參加，喺我呢個年齡層嘅131個參賽女仔當中，我排名第14，係海外唯一一個排名可以貼堂，感覺揚威海外好開心嘅。」雖然男友洪永城沒有陪她去跑，但出發前有鼓勵她，並叮囑她小心。