丁子朗唔敢追湯洛雯
藝人丁子朗昨日出席活動宣傳日本新旅遊景點，他稱習慣每年一次快閃旅行，早前就臨時約幾位朋友到東京玩四日：「突然想去玩咪約朋友囉，立即訂機票，搭車時再Book酒店。去年就去韓國，識咗幾位韓妹，佢哋帶我哋去參觀梨花大學，之後都有聯絡咗幾個月。」
自問怕「食檸檬」的他，不敢胡亂追女仔：「會睇吓對方值唔值得出擊。（咩類型女仔值得追？）身材唔太重要，但要樣靚同心地善良。」自爆入行前已覺得湯洛雯超靚女的他卻不敢追求，他說：「女神只可遠觀。（試吓追佢嘛？）佢唔方便喎！（湯洛雯話單身喎！）但佢同羅天宇去拍《3日2夜》，睇啲報道同相，佢哋好Sweet喎！（唔敢同羅天宇拗手瓜？）唔敢，佢係師兄，我祝福佢哋。」