張秀文：請我飲一定到！

與前經理人、「亞洲鋼門」仇志強之子仇耀斌（Victor）分手後，張秀文被拍到與尹子維在夜店「密密傾」，一度捲入三角關係。當知道尹子維向徐冬冬求婚成功，張秀文受訪問時坦言替對方高興，她說：「梗係開心啦！恭喜佢哋呀！本身我同冬冬都認識，曾合作王晶劇集《冒險王衛斯理》系列，佢哋兩個可以有個幸福美滿家庭，of course 我係好開心嘅！」被問到可覺「甩身」？她說：「依家證明我哋嗰次真係傾工作囉！我衷心祝福佢哋，如果佢哋請我飲，我一定到o架！」