鄭麗莎湊4件滿足感乘4
有「蜘蛛女」之稱的鄭麗莎（Lisa）是圈中出名的「多產」藝人，結婚三年誕下大仔及三胞胎（兩女一子）。身為四子女之母的她雖然比普通媽媽付出更多，但快樂及滿足感「乘4」，辛苦也是值得。
2013年Lisa與Calvin在關島註冊結婚，隨即努力開始造人大計，2014年誕下大仔汪晉頤，2016年誕下三胞胎，分別是二子汪晉孝、三女汪尤霏及幼女汪尤嘉，成功完成「三年抱四」人生使命。
設賞罰機制
由於4子女年齡相近，Lisa照顧他們的時間及精神均是「乘4」，付出絕對比普通媽媽多，但自小立定決心做「多仔婆」的她樂在其中，不覺是苦事。
談到育兒心得，Lisa坦言4子女偶爾爭玩具及打架，會定賞罰機制，再循循善誘向子女講道理：「一見到呢啲情況，就會罰小朋友喺出面罰企5分鐘冷靜吓，佢哋聽到罰企兩個字已經好驚。多數罰完之後佢哋都喊得好犀利，我就會同佢哋解釋『其實媽咪唔想鬧你，媽咪都好心痛o架』。」
先苦後甜
為了提高子女學習興趣，Lisa採用「先苦後甜」的教學方式：「例如同佢哋玩英文串字，佢哋興趣唔係好大，會同佢哋講玩完之後，同佢哋做一啲鍾意做嘅嘢，咁佢哋就好畀心機集中精神。」
育兒心得
戒夜奶
若想BB戒夜奶，可將最夜餵奶時間安排晚上11至12時，同時增加奶量，避免BB肚餓而半夜醒來。
食完瞓
BB對日夜沒有觀念，餵奶時將房間燈光調暗或關掉，令BB以為已經到了晚上，吃完奶即睡。
防窒息
側睡可令BB增加安全感，減少半夜扎醒，亦可防止睡眠時因嘔奶而窒息。