Eason玩得起風騷Fing手機

環球唱片前晚舉行《Fabulous Four出道紀念日》活動，四組新人包括樂隊ONE PROMISE、陳凱詠（Jace）、涂毓麟（Oscar）及樂隊Dusty Bottle輪流上台表演，譚詠麟、陳慧嫻、陳慧琳及吳雨霏等拍片支持，而劉美君、Gin Lee、AGA、麥家瑜等現身撐場。

劉美君自認膚淺

Eason以神秘嘉賓身份亮相，早前他在分享會上不滿台下學生只顧玩手機而動氣，司儀森美即搞Gag叫台下嘉賓收起手機，但Eason竟拿起手機Fing住上台，非常玩嘢！及後他代表環球向四組新人送上道具車牌，寓意眾人於樂壇考牌成功。

Eason係咁Fing住手機上台。	環球唱片推出四組新人，多位藝人前來撐場。	Jace出場時，十足行Catwalk。

劉美君直認欣賞Oscar，大讚他演出有進步，喪讚說：「我唔係話想錫佢，做嘢叫佢企又真係會企好耐，Jace就識自己Handle好多嘢，咁樣做藝人會好着數。（偏心Oscar？）我係！膚淺嘛，我鍾意靚仔，又乖咪錫多啲，好正常啫！得我心，我願意花時間喺佢身上。」

寄語準時有禮

不過她指Oscar唱歌未得：「我都幫佢搵個好老師，依家有70分！聲係可以練，憶蓮初初唱歌都未得，係練出嚟。」更寄語一眾新人要準時及有禮貌，更不要直呼她的中、英文名。Oscar亦認同禮貌是重點。