區永權冇得追多個
為開幕活動擔任司儀的區永權，獲邀獻聲自彈自唱。育有分別7歲及8歲兒子的他，一向是慈父，自言為兩子補習及學費「跑數」，問到會否送他們到外國讀書？他說：「其實太太喺新西蘭讀書，當地好Free，係唔使讀，我都希望小朋友第日係咁，如果要去，爸爸就要再努力啲。」
他透露與太太原計劃結婚十周年拍拖去旅行，但遭兩子極力反對，耍手兼崩潰，他自爆一家四口至今也同床瞓：「一齊瞓係幾Sweet，但我哋唔喺度瞓就大件事，佢兩個瞓唔到，佢兩個喺度示威，會奪命追魂Call。佢哋唔捨得分房，我亦唔捨得，唔想佢哋太快大，我都要訓練自己獨立，原來問題喺我度。」更講笑指因四人同床關係，冇可能會有第三個小朋友。