胡曦文難抵五年之癢宣布重返錶壇

胡曦文宣布將推出潮錶，重返鐘錶界。

早年經營腕錶生意的胡曦文，深受名人明星追捧，在港掀起過一股潮錶熱，但隨後淡出再轉型復出，沒有再做腕錶生意多年的她昨日出席活動時，透露將重返錶壇：「六月我會去法國，喺法國Launch隻潮錶，香港冇得賣。（重返錶壇？）身痕，實在太多人問我，冇做錶差不多五年，人哋話七年之癢，我就五年之癢，見出面啲錶好悶，等我點綴吓！I'm back！」

拓展銷售據點

昨日她現身美莊園尖沙咀總店開幕，恭賀集團營運總監麥迪民（Dick)，同時亦宣布新合作計劃，她旗下的法國琥珀能量神仙水，宣布與美莊園美容集團合作，讓「神仙水」遍及全港1,000個銷售據點，她說：「希望神仙水可以去到5,000個據點，心目中大概半年達到呢個數。（合作投資幾多？）好難計，希望大家鍾意，一般嘅水冇咁多功能，Visoanska琥珀能量神仙水有好多微量元素，同埋有益生元，可以提升皮膚嘅免疫能力同膠原自生，係新一代嘅能量神仙水。」

吳若希承認與老公少傾私人事。	瓣數多多的胡曦文，推出琥珀能量神仙水。	胡曦文恭賀楊世禮（左）、Alice Yeung及麥迪民（右）新店開幕，並透露合作大計。

「冇同佢講嘢」

同場任剪綵嘉賓的歌手吳若希（Jinny），提到快將兩歲的囡囡N班面試已完畢，正等待好消息，問到早前陪囡囡面試時黑老公面一事，Jinny一臉茫然：「喺公眾場合好少黑佢面，最多冇表情，返屋企就會反佢白眼。嗰日淨係Focus喺個女上，有女喺度，我唔理老公，冇印象有黑面。（面試由入門開始計分所以緊張？）有聽聞，我好似冇叫過佢，冇印象有同佢講過嘢，淨係記得等得耐有叫佢帶個女出去，係有打過電話畀佢時急急哋。（同老公感情淡咗？）係，我哋唔係好熟，基本上好少傾我哋嘅嘢，一係傾個女，一係傾工作。」口講唔熟，但她亦出面助老公將澳門的紙品生意搬來香港，做其得力助手。