吳業坤幫助難民不枉此生
歌手吳業坤與方皓玟（Charmaine）昨日以大使身份出席「饑饉30」的揭幕禮，二人早前到約旦探訪難民營，Charmaine指其中一個難民營有7萬多人，當中6成是小朋友，感覺震撼，成為大使後，她首度助養一名小朋友。
至於吳業坤本身助養了五名分別來自印尼、蒙古等地的兒童：「收過佢哋寫嘅聖誕卡，雖然好簡單，亦冇乜文字，但感覺好窩心，畀我知道佢哋成長得好好。如果有機會，我都想探訪佢哋。」又指約旦之旅令他首次接觸難民：「喺當地見到好多唔同嘅慈善機構，提供設施幫助佢哋。以前都會質疑係咪幫到，原來真係幫到。今年做到大使，覺得不枉此生。」