張寶兒狂NG 袁偉豪闊佬懶理
袁偉豪與女友張寶兒前晚出席新劇飯局，寶兒坦言拍攝時非常緊張，記不到對白及走錯位，幸得團隊教導及包容，但指男友沒有「幫拖」教路，讓她自由發揮。
藝人袁偉豪與女友張寶兒、王君馨、梁競徽、許紹雄、蔣祖曼等前晚出席劇集《鐵探》飯局，袁偉豪相信收視會愈來愈好，問到該劇是否其代表作？他笑言：「都算係。（咁辛苦減肥都抵？）多謝大家賞識，希望工作上尋求多啲突破，戲路上都仲有進步空間。」
講嘢快有原因
提到有網民質疑他頭部中槍，康復期間說話很快，他說：「我都分析好耐，如果keep住好慢嘅狀態講嘢，場戲好耐都拍唔完，監製同導演畀信心我，話我個角色復原得好快，所以講嘢比較自如。」
至於君馨大讚寶兒演得好：「我記得第一次拍劇，唔可以望演員對眼講對白，所以覺得寶兒做得好好。」寶兒即多謝導演及團隊包容：「佢哋教識我好多嘢，我一開始望鏡頭好緊張，記得有次背咗7次對白都背唔到，又唔明白啲走位，Take好多次先啱。」問到可有請教男友？她說：「佢冇乜理我嘅，畀我自由發揮。」
王君馨學定湊B
提到君馨日前與好姊妹鍾嘉欣、苟芸慧、岑麗香及李亞男聚會，她表示：「係呀，見到好多好可愛嘅BB，佢哋一路變樣，香香個仔Jacob之前似媽咪，一星期後又似爹哋，大家講BB經、媽媽經。（你唔啱傾？）可以學住先嘅。」