高海寧𢱑劉偉強合作角色仔都制

導演劉偉強前晚在西貢舉行59歲生日派對，圈中好友黃秋生、樂易玲、葉童夫婦、鮑起靜、張達明、李璨琛、內地影帝張涵予、杜江夫婦、劉香萍與女兒貝安琪等到賀，非常熱鬧。而有份出席的高海寧坦言剛剛返公司聽新劇本，獲樂易玲邀請一起前來：「我都係第一次參加劉生嘅生日會。」由於時間太急，她帶了一支酒做禮物，但她自問酒量淺，很易面紅。

有意辦保健中心

她又透露將拍畢《極道怪咖》，5月底才演新劇。問到可會趁機向劉導自薦拍戲？她說：「我都想，之前都同劉生合作電影《賭城風雲Ⅱ》，如果佢諗起我，可以畀個角色仔我做，但今日唔會刻意，因為同佢慶祝生日係開心為主，唔講公事。」

至於劉偉強生日願望是身體健康，並有意辦保健中心：「我哋成日周身骨痛，武師好易受傷，燈光、攝影都有唔少勞損，我個膊頭同腰都痛！我都想做吓義工，請物理治療師教我哋基本知識，用儀器減輕大家痛楚。」又透露剛完成內地電影《中國機長》：「之前去咗拉薩嘅雪山，有一半工作人員有高山反應，好彩我冇，依家趕做後期。」並再次澄清無意開拍英語版《古惑仔》：「我唔會拍，可能搵啲後生拍，我驚拍唔番，個人老咗，30幾歲嗰度力係唔同，搵啲年輕力壯同有火嘅導演去拍啦。」

劉偉強攬實老婆與杜江，在「劉機長」蛋糕前合照留念。	貝安琪低胸搶風頭。	舉V的葉童原來是劉香萍的學生。

劉香萍返港撐「細佬」

同場的劉香萍笑言以「細佬」稱呼劉偉強：「因為我比佢早兩日出世，每年佢生日都叫我嚟，所以我特登飛返嚟參加，每次都見到好多朋友，好開心。」席間她與葉童開心合照，原來二人是師生關係，曾任體育教師的她自爆：「除咗葉童，劉青雲同何家勁都係我學生。」又透露其出品的電影《許願樹》即將上映。

黃秋生甫到場，劉偉強即上前招呼。

李璨琛一家三口出席生日會。