袁偉豪見暈搵女友急救
藝人袁偉豪昨日現身電台接受鄭裕玲訪問，重提為拍無綫劇《鐵探》挑戰勁減20磅：「諗起都好艱辛，最瘦嘅時候同中學時期一樣140磅，之後都未跌穿過呢個數字。」不過，他竟然「回味」當時身形，自嘲好變態：「到煞科嗰日我照鏡，見到自己真係進入到水準位，眼凸之餘，塊面瘦到啲牙都開始哨出嚟咁，睇到覺得好興奮！呢個就係想要嘅效果，但無奈已經煞咗科，如果有多3個星期準備，視覺效果會更加震撼！」
他又稱女友張寶兒全程睇住他瘦，並不擔心，不過有次在清水灣跑步期間見暈，即Call女友煮定番薯為他補充體力急救。他笑言下次希望為工作而增肥，樂趣更大。