天堂鳥呻窮做副業維生
組合BOP（天堂鳥）昨日上電台受訪大呻好窮，又自爆與前經理人公司的合約糾紛用了6位數字支付律師費，故這兩年半期間要靠跑內地商演及做副業維持生計，其中成員Tyrese及Lincoln透露曾做物流工作，而成員Gordon則做過Sales賣港珠澳車牌。
講到Tyrese日前被影到與林欣彤（Mag）睇戲約會兼展開半同居生活，他再三強調是單身狀態：「我哋做完Gym即興去睇戲，買嘢飲、戲飛我哋都係AA制。」他坦言冇拍拖一年，暫時以工作為重：「可能關上一段感情事，依家對愛情冇渴求。（點解？）唔講啦！總之依家唔會諗呢啲嘢，追求人都要有錢，但依家連請食飯、送小禮物嘅多餘錢都冇！（Mag係你杯茶？）唔係，佢只係一個好啱傾嘅朋友。」