江若琳怨老公：呢世再冇娛樂！
藝人江若琳（Elanne）與老公蕭潤邦（Oscar）昨日獲邀到中環海濱活動空間出席活動玩瑜伽，台上的Elanne做瑜伽似模似樣，相反Oscar明顯「硬骨頭」，做單腳站立動作都失平衡！問到當年拍拖沒有去玩過機動遊戲？Oscar自爆有畏高，遠望摩天輪已經有點頭暈，Elanne無奈說：「冇o架！未一齊玩過o架！」Oscar又指因怕離心力，日前兩人搭飛機去廈門時，整個機程遇氣流而不停搖晃，令他驚得接近窒息，最終回程時決定「棄飛」改走陸路，嫁夫隨夫的Elanne笑說：「我以前唔驚，就係因為佢太驚，搞到我都驚埋。」
叫停海盜船 變童年陰影
問到為何會如此恐懼？Oscar指平時駕車落斜路，若有些少離心力也不好受，全因有童年陰影：「13歲嗰陣第一次玩海盜船，應付唔到嗰種離心力，我係咁按住心口，隔籬嘅人見到即幫我嗌停，真係瘀到爆。」最後控制員急煞停遊戲讓他落船，自此便害怕離心力。
Elanne坦言與老公一起後，今世就再沒有娛樂：「玩滑雪佢又話怕斷腳、潛水又話怕水、搭船就暈船浪，連搭火車都暈車浪，真係只可以留喺香港煎包！將來有小朋友去旅行，上天下海都唔得。」若然有人出高價邀笨豬跳可會心動？Oscar即說：「不如直接叫我死好過，醫藥費都唔夠醫！」
