啜核金句王

張曦雯 醉過先知酒量

無綫女神張曦雯出席啤酒活動自爆做過醉娃：「有邊個冇試過飲醉？要醉過先知自己嘅酒量去到邊。」講到「醉爆」瘀事：「我試過醉咗要朋友拯救，我諗冇人冇試過啩，哈哈，下次咪知道唔好飲咁多。」

花生友：索女飲醉酒好易出事㗎嘛！

黃翠如 冤氣撒狗糧

藝人黃翠如為賀老公蕭正楠牛一特意學煮西餐，她在社交網發文：「在你生日的好日子，我仍然停留在煮早餐的程度。在你生日的前一日，要你排隊幫我買珍珠奶茶。後一日要你早上五點車我返工。我為你感到幸福……我還聽說，以後你的生日，也變成你太太的生日。」

花生友：蕭生、蕭太成日派狗糧，好殘忍呀！

黃翠如	苟芸慧	張敬軒

苟芸慧 老公御准Sexy

藝人苟芸慧為網劇練舞練出S身形，角色不會太性感，直言並非老公陸漢洋不允許，還讚他很大方：「好多嘢由我決定，但拍親熱戲要早啲話佢知，或者佢會嚟監場。」又自爆老公鍾意她性感，很多時幫她揀衫。

花生友：天下間有邊個男人唔鍾意女人性感？

張敬軒遇狂迷 突變「人夫」

歌手張敬軒自爆有不少瘋狂粉絲，除收過成人玩具、頭髮等禮物，有女粉絲喪Send二百個訊息：「佢講到好似同我一齊生活咁，叫我唔好執個玻璃杯，(界刂)到損晒，但我從來冇見過佢，啲事亦冇發生過。我覺得自己好似經歷緊夫妻生活！」

花生友：做明星冇人鍾意又愁，有人鍾意又煩。