大帥哥驚爆結過3次婚
張衞健（Dicky）昨日到跑馬地聖瑪加利大堂，以「信仰之旅」為題舉行分享會，獲圈中好友吳啟明、「老婆」蔡思貝、王君馨及前女子組合As One成員吳思佳到場支持，台下約有800名觀眾，他於一片歡呼聲中現身，甚有「大帥哥」氣勢！
菲律賓扮行禮
席間他竟自爆曾結過三次婚，令全場嘩然，他急忙補鑊笑指：「係同一個新娘！」講到第一次結婚是十幾年前與太太張茜偷偷在南京註冊，身為天主教徒的他又覺得應該要有天主教儀式的婚禮，剛巧太太當時與菲律賓旅遊局合作，就被邀請到當地聖奧古斯丁教堂舉行第二次婚禮，結局卻出人意表：「喺出發前5日先話太太唔係天主教徒唔可以行禮，我都請晒親朋好友，最後佢哋話係當特別個案處理，借間教堂畀我哋，不過唔提供神父！之後唔知邊個安排一個唔係神父嘅神父，演戲咁演、做戲咁做，真係暈低！」第三次就在香港玫瑰堂舉行婚禮，他不禁自嘲全憑堅持才結到三次婚。
