歌手孫耀威昨日到電台宣傳新歌《愛的故事（沒有下集）》，表示是「愛的故事」系列的完結篇：「25年前推出上集同下集，好想知道故事嘅完結篇係點，就同黃偉文傾，佢講到其實愛係一個圓圈，冇終點，每朝都係新開始。」講到日前與老婆陳美詩拍拖10周年，他說：「行到10周年都好感恩，呢個世代應該換咗幾次畫，我哋唔係好典型嘅甜蜜，但每日都充滿笑聲。」繼而自爆烏龍事：「我成日唔記得拉褲鏈，佢見到會勁笑。仲有我食嘢好快，食到成身都係，食小龍蝦一剝個蝦頭會飛去隔籬枱，佢會選擇取笑，而唔係鬧我。」
