明日花「混淆視聽」 泳兒後悔莫及
歌手泳兒昨日到電台宣傳新歌《明日花》，提到歌名與日本AV女優明日花綺羅撞名，她笑言曾想過改名：「我哋都擔心人哋Search嘅時候，見到嘅唔係我嘅明日花，但問過填詞人，佢話明日花係好淒美。呢幾日我上網Search都有少少後悔，彈咗其他資訊出嚟。」
她又指6月在內地開個唱，笑言製作單位提議她把演唱會名改做「明日花」：「我即刻話唔好，如果Poster叫明日花但係我個樣都幾搞笑。」她直言相隔兩年再開騷：「因為中間失過聲，唱唔到歌，但睇醫生又唔知咩事，依家會做運動調理身體。」