加拿大奧斯卡爭獎 李施嬅享受行紅地氈

無綫花旦李施嬅昨日起程到加拿大出席有「加拿大奧斯卡」之稱的《2019年加拿大銀幕獎》（2019 Canadian Screen Awards）競逐女配角獎項，好友趙希洛送機令她十分感動。施嬅透露出發前與胡說八道會一班姊妹食飯：「原本豹哥（單立文）、豹嫂（胡蓓蔚）慶祝結婚11周年，但佢哋想見吓我，就變咗一大班人食飯，氣氛好溫馨。」
李施嬅（左）啟程飛加拿大，趙希洛到機場送行。
李施嬅（左）啟程飛加拿大，趙希洛到機場送行。

她坦言對攞獎冇信心，因對手強勁，覺得已經「贏了」：「其中有一個係68歲嘅英國老戲骨，拍咗好多電影、電視劇，攞過好多獎，經驗豐富，所以自己對攞獎都冇乜信心，但同一班咁有實力嘅演員一齊提名好榮幸，覺得已經贏咗，只係想好好享受行紅地氈。」

李施嬅（前左）與胡說八道會姊妹賀豹哥、豹嫂結婚11周年。
  • 李施嬅（前左）與胡說八道會姊妹賀豹哥、豹嫂結婚11周年。