加拿大天王Justin Bieber日前宣布停工，專注健康及維繫婚姻，有粉絲狂轟其索模老婆Hailey Baldwin，指偶像結婚純粹為刺激舊愛Selena Gomez，以圖博對方回心轉意！婚後一直封口不提舊愛的Justin，前日挺身護妻，首度公開心底話。
他於社交網留言鬧爆網民作古仔，並否認為刺激舊愛而娶Hailey：「我愛過Selena，而且仍然愛佢，佢喺我心目中永遠有一席位。但我依家勁愛我老婆，Hailey嘅出現係我人生最好嘅事。」又指經常見到網友留言辱罵老婆，希望一次過回應這班不成熟的人：「你完全唔知我人生係點，同埋有咩對我好！」