翠如隨心造人爆連詩雅Plan生B

黃翠如與連詩雅因合作拍劇成為好友，仲約埋去行山。

冇時間探家姐

記者問翠如是否需要恭喜她懷孕，她即說：「冇呀，諗嚟諗去可能係我家姐尋晚生咗，我哋個名差一個字，所以引起誤會。（計劃幾時生？）我係冇計劃嘅人，當日結婚都冇啦，不如問吓連詩雅同馬貫東，佢哋喺劇裏面好有計劃，仲結婚生埋B。」續指前晚因開工關係，未能往醫院探望姐姐：「佢生咗個女，似姐夫多啲。（送大禮？）會，但未有時間買。」身旁的連詩雅笑指翠如有食雪糕，所以亦不相信對方有孕。

最想去揼骨

談到4月1日全劇煞科，翠如即雀躍地說：「我想去揼吓骨呀，連詩雅話想行山，約咗嘅。（今次會休息長少少？）話6月再開劇，中間可能會拍旅遊節目，依家做緊資料搜集，會去啲好窮嘅地方，有一定危險性。（老公唔擔心咩？）佢未批准，但呢次節目帶出訊息好有意義。」

黃翠如（右起）爆馬貫東同連詩雅「結婚生埋仔」。

馬貫東、連詩雅演得好投入。