譚嘉儀螢幕初吻獻關楚耀

歌手譚嘉儀日前為新歌《怎麼你不找我》拍MV，並邀關楚耀（Kelvin）再合作擔任男主角，她更獻上螢幕初吻，與Kelvin深情咀嘴，她說：「係我同哥哥Alan一齊作曲，歌詞就自己填，首歌係講男友突然消失，感情無疾而終，只剩女主角自己傷心。」MV中她與Kelvin又攬又錫，她說：「自己平時咁Dry，惟有喺拍攝時陶醉一下，仲加插營火，如果現實中男友為我生火，真係會冧爆。（獻出螢幕初吻？）導演因應下雨天加插避雨場景，劇情講到我哋避雨嘅時候情不自禁深深吻咗一下，拍攝時相當尷尬，忍唔住笑咗出嚟，NG咗好幾次，真係辛苦晒Kelvin。」