忙於籌備新歌的藝人陶枳樽（Crz），早前趁難得幾日空檔，專程到台灣旅行叉足電，展開「獨女」旅行，她說：「約唔切朋友去，因為成件事都好急，所以決定自己一個人去！本身我想去睇櫻花，打算去日本，但當時日本櫻花季又未開始，所以揀近近哋嘅台灣，主要想休息吓，睇吓風景，去咗好多個博物館，之後又自己一個人浸溫泉。我都有尋找櫻花，但台灣都唔係櫻花盛開，我長途跋涉去咗兩個地方，結果去到都係失敗，最後有個當地朋友教我去搵，最終都賞到櫻花！」
此外，Crz還在當地浸溫泉：「去北投嘅地熱谷，嗰度啲水成日都係80至90度高溫，成日都有煙出，無論點樣影相都覺得好有仙氣，好似去咗仙境咁！」