王子涵莊思敏夾份做生意突然Hold住

藝人王子涵昨日出席火鍋店開幕,講到她兩年前與莊思敏夾份做運動服生意,她坦言原來生意擱置了:「因為莊思敏好忙,我又唔識處理生意。(有冇蝕咗?)因為好多嘢未Ready,所以好多嘢都係擺住先。」她坦言生意曾做過半年,自己投資了6位數字:「但依家啲貨就擺住喺個倉度先,同埋係網店,冇實體舖,所以負擔細啲。」她指生意應該遲些會再運行,希望是明年的事,並否認兩人因為關係有變而不做生意:「我哋不知幾Friend。」

同場的張惠雅以一頭短髮示人,坦言之前曾擔心短髮難搵男友,但這一年改變了心態。她又自爆早幾日在婚禮上接到花球,笑說:「但原來有人話接到花球要喺半年內結婚,如果唔係就要3年後。(咁你咪仲驚?)都唔急,因為我都要籌備開餐廳同讀中醫啲嘢。」