入行逾25年的張智霖，至今仍令萬千少女為之瘋狂，名副其實是個傳奇！出自演藝世家的他，媽媽曹珍妮是選美比賽冠軍，舅父曹查理是影圈Icon人物，表姐上山詩鈉隱退多時，但圈中人脈廣，她的女兒Hilary亦是廣為人識的「星二代」。而求學時的Chilam已有機會與張學友及張國榮等巨星接觸！
原來只差一點點，「張智霖」三個字便不會出現在娛樂圈，他說：「我啱啱由澳洲返嚟放暑假，就被叫咗去試音，最終唱咗《現代愛情故事》。記得當時唱片公司要做呢個男女合唱Project，已經搵咗人選、錄好咗首歌，點知當時嘅老闆葉志銘想做好啲，聽完我唱歌又覺得適合，所以就改由我唱。」
Chilam自言是個隨遇而安的人，所以事業上他未試過有過高期望，令自己有太大失落，一直尚算順風順水。談到兒子魔童被讚帥，Chilam笑說：「唔可以百分百話唔畀佢入行，但呢個世界有唔同嘅工種。咁我唔覺得佢好有條件，唱歌亦唔好聽，可以嘗試其他方面發揮啫！」