捱過窮到燶日子易智遠行運做歌手

藝人易智遠入行27年經歷多次大起大跌，曾憑《我要Fit一Fit》中「肥仔德」一角彈起，卻後勁不繼「打回原形」，一度「冇工開」零收入，他坦言曾想過放棄：「試過有段時間冇收入，要靠喺朋友餐廳兼職維生，就連代客泊車都做過，屋企人仲趁我唔為意放錢入我銀包，嗰陣好難受，甚至有少少情緒病，好彩屋企人同朋友嘅支持，我先捱得過。」
易智遠唱K獲老闆賞識，一圓歌手夢。
易智遠唱K獲老闆賞識，一圓歌手夢。

默默耕耘下，他慢慢重新入屋，最近不但有份參演熱播中的《福爾摩師奶》，更將跨界做歌手，他表示難以置信：「我好鍾意唱歌跳舞，但一直得個諗字。估唔到一次機緣巧合，我同依家嘅老闆去唱K，獲佢賞識邀請我出歌，咁多年投資開戲就遇唔少，搵我唱歌都係第一次，發夢都冇諗過。」他指將推出快歌，笑言希望與偶像郭富城同台跳舞演出。

莊思明和易智遠合作拍《丫鬟大聯盟》。
  • 莊思明和易智遠合作拍《丫鬟大聯盟》。