朱晨麗驚被何廣沛打暈

朱晨麗（朱朱）昨日以健康性感裝扮為瘦身產品影相，身穿Sports Bra配襯短褲，身形弗爆！她坦言事前沒有刻意操弗：「拍劇成日冇時間瞓，又冇時間做運動，好易水腫，同埋我都幾大食，好鍾意打邊爐，又食消夜，好開心被客戶精挑細選做代言人。（酬勞好高？）係開心價，好滿意！」

操Fit節食睇見都辛苦

朱朱表示雖然很久沒有以性感造型接Job，但並不尷尬：「係運動感覺，都仲有幾套衫。（依家幾多磅？）咁我又冇磅。」問到可會介紹產品給何廣沛？她笑言對方已經夠弗、夠大隻：「但如果佢有需要都會介紹畀佢，之前見佢為咗操弗唔食嘢，淨係食蛋白質，睇見都辛苦。」

講到與何廣沛合拍的無綫劇集《大醬園》將於月底開拍，朱朱指拍攝代言相後就要返公司進行圍讀，問到開拍後日見夜見會否增進感情？她抵死笑言見到好頭痛：「戲入面要成日嗌交，都驚太投入，搞到討厭呢個人，所以要壓抑住自己，加上今次劇情有機會打佢，而佢係可以還手，驚佢到時打我一巴會暈低！」