疑被偷拍吳千語啞忍！

韓國女團f(x)成員Krystal、吳千語及上山詩鈉女兒Hilary等昨晚出席活動，以迷你裙示人的吳千語表示有着打底褲，又自爆年少時曾被疑似偷影：「當時着好短嘅短褲，但唔太肯定係咪影到，加上嗰陣又好細個，所以冇出聲，依家一定會鬧番佢轉頭。」而Krystal一出場，即有過百名粉絲尖叫，講到今年出道十周年，她表示覺得很難得及感恩。
吳千語懷疑被偷拍，最後唔敢出聲。
吳千語懷疑被偷拍，最後唔敢出聲。

早前被本報踢爆與富三代施仲樂拍拖的Hilary獨自撐場，問到為何男友沒有同行，她說：「每個人都想有私人空間，我個人比較低調。」講到男友化身「三陪」甜蜜行街，她說：「行街去廁所好正常。（鍾意佢夠細心？）可以咁講。（媽咪有咩評語？）你哋問番佢！（隨時嫁人？）我仲好細個。」她透露已拍拖一段時間，見過雙方家長。

Hilary承認與施仲樂拍拖，已見雙方家長。
  • Hilary承認與施仲樂拍拖，已見雙方家長。