軒仔驚爆南血人越洋尋根
歌手張敬軒昨日代表香港出席「香港亞洲流行音樂節2019」記者會，他自爆擁有6%越南血統，下半年有意開拓越南市場，順道「尋根」！
記者會上，不同地區歌手代表齊集現身，軒仔則聯同日本歌手GACKT及內地歌手丁世光擔任音樂節的表演嘉賓，而韓國歌手張星銀、台灣歌手鼓鼓（呂思緯）、日本歌手Shiena Nishizawa、新加坡歌手梁任寧與泰國、馬來西亞及越南等地的歌手，競逐亞洲超級新星大獎，音樂節今晚於灣仔會展舉行。
代表香港 輸人唔輸陣
軒仔表示作為香港代表會盡力演出，與各地歌手交流音樂文化，期間在後台見面，讚各歌手是精英。問到準備甚麼歌曲表演？他說：「因為見今屆好多係組合，個人歌手唔多，正所謂『輸人唔輸陣』，會請Dancers嚟充撐場面，同唱啲『食胡歌』咁，最緊要為港爭光。」
問到可有想過發展香港以外的市場？軒仔說：「越南啊！會去考察吓，因為有6%嘅越南血統。（你Check過？）係啊！之前買咗個測試血統嘅實驗套裝，只要用一啖口水就驗到，出嚟報告話我係6%越南人，可能係我前幾代有越南血統，同埋好多廣東人都係安南人，一於去越南尋吓根先。」他又即席以越南話講出「1至10」，現場的越南歌手都讚其發音有八成準。軒仔笑言早前在網上唱過越南版《酷愛》，但問過越南朋友，他們坦言一句都聽唔明。
