側田鬥氣追女仔
將於6月再踏紅館舉行演唱會的側田，日前接受TVB娛樂新聞台節目《StarTalk》主持許文軒的訪問，表示開騷會上癮，希望可以唱到身體不容許為止。今次有想過將年半前的騷變成Part 2，但覺得不尊重觀眾！
談到他的經典作品《命硬》可能是他唱得最多的歌，他自爆：「首歌本來想寫畀林憶蓮，但時間唔啱冇要到，就自己唱番，多謝黃偉文嘅歌詞，首歌係講唔好歧視，好似我咁，愈睇死我，愈要做畀你睇，好似話我追唔到女仔，我就會去追，就算我唔鍾意佢都要去做，我試過o架！（個女仔咪好Hurt？）唔知，嗰時細個，我喺美國長大經常發生，實有好多呢啲經歷。」