唔怕7年之癢 陳豪放閃將愛做出來
公認為圈中模範夫妻的陳豪及陳茵媺（Aimee），昨日襯到絕情侶裝出席活動。席間陳豪冧爆發表「愛的宣言」，大讚老婆擁有天使的心及外表，而且有美麗的智慧，氹到Aimee開懷大笑，公然放閃甜到漏！問陳豪私底下是否也經常口甜舌滑？他大笑反問：「邊有？」Aimee即反駁：「Yes！佢都係講事實。（你都會對老公講冧說話？）會，但唔喺呢度！我哋互相冇秘密。」
陳豪表示每日都需要與老婆互講「我愛你」，亦會教3名子女講：「臨出門前除咗抱抱，仲要錫到個嘴為止！」問到是否因為太愛，而經常用行動實踐，才有三位小天使？陳豪Man爆地說：「行動又係愛、講又係愛、想又係愛！我哋好透明，所以唔會有7年之癢。」兩人又坦言以「夫妻檔」出席活動，酬勞「和味」。