陳瀅為慳5毫攬鑊遊街

於加拿大出生、現年29歲的藝人陳瀅（Jeannie）來港發展多年，2014年拍無綫劇《女人俱樂部》飾演陳慧珊少女版，獲讚外形索爆，其後參演多部劇集，最近在熱播劇《福爾摩師奶》中扮演高級交際花跟陳松伶鬥戲，角色沉重，喊戲及鬧交戲都獲激讚，而她又是廣告寵兒，吸金力犀利！

默默儲錢多年，原本Jeannie想在港置業，但最近為孝順自小湊大她的92歲婆婆，決定豪花數百萬港元在加國買下獨立屋，一圓婆婆心願，但Jeannie只「開心了幾秒」，即覺得壓力大得驚人，曾向友人訴苦每月供樓、家用及生活開支達6位數，5月收樓時將要支出一大筆資金，因此要好好計劃開源節流，幸她不算貪靚又不為食，每月伙食費2、3千元已足夠，而收樓後亦暫不打算豪華裝修。為努力賺錢，據知她不時向經理人𢱑工作，望塞爆工作時間表，一於多啲嚟密啲手。

一串燒賣兩份食

日前下午，Jeannie在九龍灣出席活動後，被拍到與經理人現身附近一個平民商場，衫都唔換的她仍着住劇集宣傳Tee，只披上外套、戴帽及口罩，見她逛平價家品店，對特價貨深感興趣，拎起垃圾桶、水壺研究一大輪，最後都為慳荷包忍手，左揀右揀才決定買個百多元的實用煎Pan。正所謂慳錢要慳到盡，她連5毫子膠袋稅都慳番，決定不用膠袋，放下藝人身段拎住一大隻鑊通街走，畫面頗為有趣！

於家品店左睇右睇，格好價先。	放大圖片	陳瀅與經理人街邊買一串燒賣兩份食。

Jeannie曾表示對飲食沒有高要求，有時一日一餐，當日活動後已餓住肚的她，發現流動小食檔即食指大動，忍不住買燒賣，但也只是買一串與經理人分甘同味，一人食兩粒。其後她們再搵食，亦是選擇「抵到爛」的3蚊一件壽司，買了數件便邊行邊食！如此肚餓，相信這才是她當日的第一餐，為慳一分一毫確實捱得辛苦。

買完經濟壽司，直接用煎鑊「上碟」，絕對環保。

為供樓密密接Job，近日晒靚膊拍廣告。

家中自製「水療」感

此外，勤力接Job的她早前接拍韓國沐浴露產品宣傳片，直言近日工作回家後，會使用磨砂沐浴露，坦言在家也可享受到美容院般的水療感覺，省下不少金錢，言談間繼續開動慳妹模式。