林耀聲張沛樂首映「對親家」
藝人林耀聲主演電影《入鐵籠》前晚舉行首映禮，女友張沛樂（沙律）帶同媽咪撐場，沙律笑言似「主人家」：「見到咁多朋友嚟捧佢場，我就講多謝，好似套戲係我主演咁。頭先我見到佢（林耀聲）爸爸，仲介紹畀我媽咪識，佢哋第一次見面咋！（幾時考慮終身大事？）我希望大家事業有成先。」林耀聲今次投入演出狂操肌，他笑言：「嗰時好似食藥咁，一星期七日，四小時一次！」
有份參演的楊柳青表示過程曾遇意外：「嗰場戲講我考巴西柔術紫帶，點知胸肋骨撞咗落對手嘅膝頭度，返到屋企呼吸唔到，好似胸骨插入咗心臟咁辛苦，照X光先知胸骨移位。（已康復？）休息咗6至9個月，OK啦！」戲中雖與馬志威演情侶，但親熱戲欠奉。
