側田落重本開騷「最愛」驚喜打氣

側田

預告Opening好爆

側田透露今次開騷形式會很不同，故事性很強：「今次我會做個講故事嘅人，仲會請好多單位，後面會有啲人跳舞、有小朋友或魔術師表演，我就喺後面唱歌，同埋到時音樂係會Keep住唔停。」又預告一開始將由80歲倒數唱歌，問到可會變老上陣？他大賣關子：「總之Opening就會好爆，爆過80歲。（現實都想唱到80歲？）最好！好難得有歌手唱到咁耐，仲有人想聽同身體健康係容許。」

透過今次個唱，側田希望帶出正面訊息：「我用中年嘅睇法，好多嘢都經歷過高低起跌，嚟緊50、60歲都仲會繼續有起跌，講吓有啲嘢值唔值得做，想畀大家思考做人為咩。」至於嘉賓方面，他表示有諗過：「但要有意思、符合個故事，或者可能喺Encore位，會綜藝啲，唔係驚大家會瞓着。」

側田相隔年半再開紅館騷，獲最愛的卡通人物打氣。

側田與其他嘉賓舉杯，預祝個唱大賣。