同時拍三劇麥皓兒連踩30粒鐘
藝人麥皓兒（Joey）去年在台慶劇《跳躍生命線》中，有突破性演出贏得觀眾喜愛，更因而得到監製賞識，最近同時連踩三劇，包括《她。她。她的少女時代》、《致所有愛過的人》及《降魔的2.0》，劇接劇忙個不停。
Joey坦言為拍劇曾試過直踩30小時，但認為一切都是值得：「雖然我之前都有拍開劇，但同一時間為三部劇開工都係第一次，最勁試過連續30個鐘冇瞓過，亦有成個星期每日瞓唔多過4個鐘，對我嚟講都有少少唔習慣。不過，今次三部劇嘅角色好唔同，要不停咁轉換角色係一個大挑戰，所以帶畀我好大滿足感。」她又多謝田蕊妮及李思捷等前輩教路，讓她獲益良多。
