郭婉霞天生吃貨食窮郎
o靚模熱潮遠不及當年，不少o靚模積極發展其他事業。曾與「城嫂」方媛同期推出寫真的郭婉霞（Rose）選擇搞生意，最近跟朋友在銅鑼灣投資火鍋放題店。
外形纖瘦的她自爆是「吃貨」：「我最愛食自助餐，鍾意食到好飽個感覺。曾經有人話養我會養到窮，因為會食窮對方銀包。試過同朋友食雞煲都要食兩碗白飯，嚇親周圍嘅人。依家撈埋飲食界，可以滿足自己嘅食欲。（點解揀火鍋？）我依家工作主要喺內地，得閒返舖頭幫手，我哋係平民價錢，有十幾款養生湯底，覺得香港有好多同我一樣咁為食嘅人，想大家齊齊食好啲。」