鄧穎芝攞正牌飛車

歌手鄧穎芝（Vangie）日前與袁偉豪、黃致豪等拉隊到珠海玩小型賽車，最終贏得女子組冠軍的她說：「之前玩過一次，之後就鍾意咗，係好好玩。」平日她在香港也愛揸車，笑說：「可以攞正牌喺賽車場揸得好快、飛車更加開心。」又表示賽車都好講求體力及技巧：「今次時間比較緊迫，得幾個女仔去玩，所以冇分開男女，係同男仔一齊賽車，我開心係自己嘅時間同男仔差唔多，女仔嚟講我成績好，咪畀冠軍我。」
鄧穎芝希望將賽車培養成為嗜好。
鄧穎芝希望將賽車培養成為嗜好。

Vangie希望將賽車培養成為嗜好，對平日揸車的態度及技術都有幫助：「但呢個興趣都幾奢侈，每次上去玩要用好多錢，一轉都要三、四千蚊，我見其他隊員買晒賽車衫、頭盔，啲裝備都齊晒，暫時我繼續玩吓先，如果真係想專注呢個興趣先投資落去。」

鄧穎芝贏得女子組冠軍，賽車技術不錯。
  • 鄧穎芝贏得女子組冠軍，賽車技術不錯。