謝安琪玩絕情叫老公做賊
謝安琪與麥浚龍推出音樂合輯，破天荒用歌曲串連角色及兩人的愛情故事。提到故事未完，如果要加入老公張繼聰做新角色的話，她竟不是提議和自己有感情線，反而搞笑提議他做賊。
天后謝安琪（Kay）去年與新老闆麥浚龍（Juno）推出創新的音樂合輯，當中兩人用歌曲串連董折及浦銘心的愛情故事。今次合輯全是Juno的概念，他表示構思了一年半，覺得講故事不是只透過一個人，故設計了Kay的角色，亦衍生了不同角色。
加意見深化角色
問Kay可有在故事加入自己意見？她說：「我有份深化角色，因為Juno會問我好多問題，可能有時問我喺某一個場景浦銘心會點，想我去感受浦銘心點做決定，其實角色有啲嘢係嚟自我本人，例如推出第一首歌時，呢個女人嘅年紀同我依家係一樣，但佢亦有好多嘢同我完全唔似，例如佢會食煙，同埋佢比較孤獨。」Juno認為角色在不同章節經歷的人生會與不同觀眾連線，讓人睇到角色長大及改變。
「喺後巷打劫我」
講到故事還有其他角色與兩人有感情瓜葛，例如Kay有第二任丈夫，提到之後故事會有Part 2出現，加入新角色可會考慮Kay老公張繼聰？兩人即笑了出來，Juno說：「角色有好多都定咗，因為要寫文案，佢哋嘅出現要同角色有關連。」問到如果阿聰加入，想他做甚麼角色？Juno說：「我覺得佢係我董折嗰邊嘅角色，但詳細未諗到。」Kay打趣笑說：「太容易諗嘅選擇我又唔想講，我想諗個怪啲嘅畀佢，可能係一次浦銘心喺後巷畀人打劫，佢係一個身形好魁梧嘅悍匪，但就做一單細嘢，就係打劫我。」Juno和應：「幾好喎！」
造型：SoMad & Ezta.w
服裝：MAJE
鞋：Dior
場地：香港九龍貝爾特酒店