陳嘉桓狀態回勇Fit爆！

藝人陳嘉桓（Rose）早前以代言人身份為飲食集團拍攝婚宴酒席廣告，與藝人袁鎮業「結婚」的她谷胸穿婚紗晚裝，身材Fit爆，她說：「之前拍戲要刻意增肥又剪短頭髮，變咗男仔頭，身邊啲人都極力建議我減磅同埋留番長髮，去年已積極做運動，希望操番Fit。」是次由時裝設計師何國鉦（Dorian）擔任形象，她說十年前出道已經常穿他設計的晚裝，但今次感覺很不同：「以前細個刻意打扮成熟，但始終畀人覺得好小妹妹，今次就有自己真實年齡嘅感覺，同男主角影相時，佢哋笑我哋好似大學生畢業，然後結婚嗰種感覺。」