沈卓盈閃婚唔係有咗
藝人沈卓盈與圈外男友Calvin上月在泰國結婚，成為杜太的她昨日出席活動，穿運動背心玩遊戲時更險些被絆倒。提到閃婚，她說：「唔係，本身諗住喺今日白色情人節畀個Surprise大家，點知已經畀人講咗出嚟。不過唔緊要，都係開心事。（雙喜臨門？）你見我咁Fit就知唔係。（不設防？）努力工作先。」
她又指婚禮上老公給她送上很多驚喜：「又放煙花、天燈，仲秘密去學鋼琴彈咗首《小幸運》畀我聽。」又說行禮時很感動，母女也感動到喊。對於「少婦聯盟」成員事前不知她結婚，她指她們會明白：「我想低調，唔想大搞，遲啲再約佢哋食飯。」
至於她與老公在英國倫敦大笨鐘前影婚紗相，有網民質疑去年大笨鐘還在大維修，指她婚照造假，沈卓盈直認曾執相：「婚紗相係舊年年底影，當時大笨鐘的確係圍咗鋼條。攝影師好好心機幫我哋執相，出嚟效果都好滿意。我有諗過大家會唔會為意，亦有保存原圖。」