湯洛雯「狂迷」送花 原來係朱千雪
藝人湯洛雯（靚湯）昨日首次與朱千雪出席活動，席間上演美女廚房整薄餅，更向Fans派福利進行餵食。自認廚藝不佳的千雪頻頻被靚湯取笑，問到拿手菜式時，湯靚表示整餅，即被千雪反擊指她是「阿茂」，二人互窒場面爆笑。
適逢昨日是白色情人節，千雪表示醫生男友不在港：「或者轉頭Send Message畀佢。」至於單身的靚湯透露約了好友食飯，又自爆上月情人節有花收：「一早起身就有人送花，睇到張卡係寫住『送給我瘋狂的情人』。（第一時間諗起邊個？）冇，覺得好不安，但見到有盒朱古力就食咗先，然後再打去花舖問，先話送錯咗第二紮畀我！原來係朱千雪送嘅！」而千雪表示除了送花給靚湯，亦有送給好姊妹岑杏賢：「唔限於情人，對朋友都表達心意，咁男友都有送花。」
