「冇折女星」係邊個？森美：90年代尾紅過

昨日森美主持電台節目時有聽眾爆料，指有女星到名店購物拎不到折頭發爛渣，更指摘店員有眼不識泰山，事後不少人揣測該女星是誰。森美於咪後得知對方身份，但當求證他時，他堅持封口：「講咗出嚟死得啦！只能夠爆係90年代尾嘅TVB女藝員，都曾經紅過，2000年已經冇拍劇喇！」而他昨日出席日本房地產活動，獲贈送一世免費入住該集團住宅，他笑言下星期與家人去大阪，屆時必試免費住宿：「我差啲想辭埋電台份工，帶屋企人過去住。」問可有意在當地置業？他坦言有計劃：「百幾呎都係百幾二百萬，主力係投資。」又指太太正於北海道滑雪，令他多了空間與13歲的女兒修補關係。