影帝任達華昨日出席活動時表示，今日飛英國讀書：「想咗好耐啦，今次去10日，讀一個歐洲歷史課程，因為深入了解咗當地不同人種嘅文化、背景，對我演戲同攝影好有幫助。」問到太太琦琦會否陪他前行？他說：「佢過多幾日會嚟join我，每日上堂只係半日，可以同佢拍吓拖、行博物館同影靚相。」又稱回港後拍新戲，飾演整杏仁餅師傅，並讚女兒任晴佳炮製的曲奇餅味道可口。
