陳曉東恨唱Part 2拋金句自比脫皮蛇

陳曉東前晚首次踏上紅館舉行演唱會，獻盡一首首經典金曲，更大拋金句講感言：「開心係要從心而發，有段時間選擇做自己想做嘅事，人生變成另一種形式，放下外界嘅目光，得到超然嘅自由。」又以蛇在不同時間脫皮來形容人生，他說：「人都要不斷脫下一層層曾經有嘅包袱。」之後又感性地走到台邊攬住來捧場的父母爆喊，他說：「呢個演唱會差啲要取消，過咗重重難關，知道去任何一個地方都係冇捷徑，媽咪問我咁堅持為乜？我話唔經歷過呢啲風雨，點會見到彩虹？」他哭着表示這一刻完成夢想會繼續行落去，因為知道放下不代表放棄，最後唱出偶像陳百強的金曲《畫出彩虹》。
東東化身金句王，形容人生如蛇在不同時間脫皮，要一層層捨棄過往的包袱。
東東化身金句王，形容人生如蛇在不同時間脫皮，要一層層捨棄過往的包袱。

孫楠幫唱 唔敢食飯

東東的兩個寶貝女亦有登場，她們以孖辮Look現身，在台上跳跳紮說：「我們要唱『捱不大』的歌。」萌爆全場，之後拖實爸爸唱出《劃火柴》。而內地歌王孫楠以神秘嘉賓身份撐場及合唱《心有獨鍾》，東東感謝對方的照顧，孫楠以兄弟來稱呼他，更幫東東改名做「金剛」，他說：「因為他有金剛不壞之身，為了這演唱會，我一天都不敢吃，因為曉東太瘦啦！」

安哥時，東東坦言想再入紙申請紅館開騷，於騷後祝捷儀式上，被問是否想開part 2，他說：「想！但未入紙，場數唔緊要，能喺香港出生地開唱已經好開心。」談到在台上爆喊，他笑認眼淺，而騷前冷病的他，絲毫沒有影響演唱，他說：「為咗保持聲音最佳狀態，我即刻去醫院要求打開聲針。」

首次紅館騷，東東找來囡囡做嘉賓。
  • 首次紅館騷，東東找來囡囡做嘉賓。
孫楠（左）笑言為了演出，整天不敢食嘢。
  • 孫楠（左）笑言為了演出，整天不敢食嘢。