何嘉莉剖腹誕6.9磅女王

藝人何嘉莉（Lillian）的第三胎「卸貨」成功，日前剖腹誕下6.9磅的「小公主」，機師老公陪入產房剪臍帶，並為B女改名為Raina，代表「王后」。Lillian笑指女兒是家中排行最小，視她為女王般寵愛。
Lillian與機師老公一家五口晒溫馨。
Lillian與機師老公一家五口晒溫馨。

38歲的Lillian育有6歲囝囝及1歲囡囡，近日於社交平台分別晒出做運動及穿手術袍食快餐的照片，暗示即將入產房生B，沒料原來本月7日已秘密開刀誕下重6.9磅的「小公主」，母女平安。由於Lillian首兩胎均是開刀生產，故今次也選擇剖腹，機師老公Gerald亦有陪入產房剪臍帶。

仔女興奮

Lillian的生產過程非常順利，笑指一對仔女心急想見妹妹，哥哥見到BB時更表現興奮，她說：「今次我冇代送禮物畀哥哥姐姐，之前囡囡出世就有送禮物畀哥哥，但今次我就話將個BB送咗畀佢哋，就係最好嘅禮物，佢哋不知幾開心。（BB改名未？）英文名叫Raina，係拉丁名，代表王后嘅意思。雖然佢係屋企入面最細，但我哋會當佢好似女王一樣，萬千寵愛。」及後她亦有在社交平台公告喜訊：「Our Hearts Grow More Full Of Love Each Day。Announcing The Arrival Of Our New Little Girl。（心中的愛每日都增加一點。正式宣布我哋嘅小女孩到來。）」

B女英文名叫Raina，有王后之意，集萬千寵愛於一身。
  • B女英文名叫Raina，有王后之意，集萬千寵愛於一身。
Lillian雖已有兩次生B經驗，但坦言入手術室前仍心情緊張！
  • Lillian雖已有兩次生B經驗，但坦言入手術室前仍心情緊張！

全身麻醉

正於醫院休養的她接受本報訪問時，透露今次是全身麻醉，事前也有與麻醉師討論下藥分量：「上胎藥力剛剛好，醒番時有啲驚，今次一瞓醒就有個BB喺隔籬。老公一直都喺身邊陪住，我都會吩咐佢多啲喺屋企，因為有兩個小朋友喺屋企，睇吓佢哋啲功課各樣。我自己都會喺醫院爭取時間休息、睇吓BB，因為一返屋企啲小朋友都會嗌住我，可能會玩、會嘈，冇咁多時間休息。」