Jeana大「廢」周章防塵袋變咕o臣
女人天生愛購物，作為女藝人就更甚！女星何佩瑜（Jeana）教大家廢物利用，做出一個又一個不同形狀的咕o臣，讓大家可以晚晚攬住煲劇，既環保又實用，一舉兩得。
Jeana坦言以前是「大花筒」，非常喜歡購物，衫、褲、鞋、襪一屋都係，幾乎冇位擺：「我好鍾意拆嘢個感覺，以前屋企好多雜物，總之就一個『亂』字，每逢到過年一定要執屋。有日的起心肝掉咗好多冇用嘅嘢，之後就成屋都係鞋袋同防塵袋，我見個咕o臣舊，掉咗好浪費，於是靈機一觸，將個咕o臣套掉走，留番個餡，再入落防塵袋度，縫埋佢當新咕o臣用。」
若然大家想搞搞新意思，Jeana建議可把舊衫及棉花等放入防塵袋，自製咕o臣：「你想幾脹就有幾脹，唔同形狀任你整，幾好玩。我平時鍾意喺屋企DIY，聽住歌用自己想法做小手工，都幾寫意o架！」
