藝人張美妮、文雪兒和楊玉梅等昨日到電視城出席「三月星辰」活動。肚大如籮的美妮透露懷孕7個月，預產期6月初，笑言老公很開心佗女：「自從熱戀後，佢成10年都冇對我咁好，依家成日都會噓寒問暖。」講到日前生日，她笑言老公是實際型，平時不會送花，但今次很識做：「佢買咗啲花同氣球畀我，我事前完全唔知，去到見到好開心，我係沾個女啲光，暫時繼續享受做女王先。」
同場的文雪兒表示老公表姐的女兒贏得今屆奧斯卡的「最佳紀錄片」：「我哋家族個群組好開心。（你見過佢未？）未，因為大家分開生活。（慶祝咗未？）我哋香港呢邊慶祝咗先。」
